Luna di ensenansa na Scol di Arte

Diabierna 7 di october Fundacion Bon Nochi Drumi Dushi hunto cu dos studiante di IPA
di estudio di idioma di dos grado, a tene e prome actividad pa celebracion di luna
di enseñansa. E studiantenan a scoge promocion di lesamento como nan actividad
curicular y a acerca FBNDD pa duna un presentacion.

50 mucha den edad di 6 pa 16 aña a gosa un mundo den e sala grandi di Scol di Arte na San Nicolas.
E storianan tabata varia, di dramatisacion di e Pushi cu Boots door di Richard Dabian, boluntario conoci pa su participacion
den e proyecto di FBNDD, Tanto Cuenta. Disfrasa na e pushi cu boots y cu
un makiyahe perfecto Richard a sa di hiba e muchanan riba e biahe den e storia.

Despues a sigui presentacion di poppenkast door di Desiree Correa, cu tabatin grandi y chikito den trans di e storia. Desiree a duna un ñapa cu e storia Boa den mondi na un manera masha expresivo y a tene e muchanan den tension te na final ora e coneu a logra scapa.

Den e sala completamente scur, Martica Lugay a conta e storia di e lagadishi cu ta perde su rabo cu sosten di ilustracion divertido proyecta. Esaki a crea un ambiente magico.
E muchanan a keda contento ora na final nan a siña cue rabo di e lagadishi ta crece bek.

Naturalmente no por a falta un cuenta di Nanzi. Disfrasa na panter Merelyn Lugay a conta e storia Nanzi y ChaTiger.
E potretnan ta prueba di con e mucha a gosa di e storianan.

Fundacion Bon Nochi Drumi Dushi ta hopi contento di ta forma parti di e
Luna di Enseñansa, conhuntamento cu Ministerio di Enseñansa, ta muestra cu hunto nos por traha na eneseñansa di calidad

TUMA CONTACTO CU NOS:
Please enter your full name
Please enter your email address
Please enter valid email
Please enter your MENSAHE
Submit
Si, mi kier ricibi noticia BNDD.