Luna di ensenansa luna di siman di buki

Riba peticion di e alumnonan di grupo 4 di Emmaschool, juffrouw a conta un storia di suspenso.

Punto culminante di e storia tabata, cu nan mester a caba e storia den grupo.
E tarea specifico tabata: caba e storia y ilustra esaki. Pensa un titulo y pone nomber di e autornan riba e kaft. Cada grupo mes mester a asigna un lider pa guia e proceso y parti tarea. E resultado tabata tremendo.

E muchanan a traha cu smak y dedicacion y no kier a laga e trabou para pa sigui cu otro les.
E trabou den grupo a bay tremendamente bon, e muchanan a echt dialoga cu otro y a acepta e rol di e lider. Durante e proceso diferente aspecto di siñamento a bin dilanti. Nan a crea, skirbi, lesa, pinta, socialisa, scucha otro y traha independientemente. Mas importante, nan a experiencia e placer cu lesamento ta duna.

E titulonan ganador a resulta: na prome luga "E Monster Spantoso", na di dos luga "Pasa Bon Nochi" y na di tres lugar " E Macaco...."

E hurado tabata un trabou bastante dificil pa scoge entre e ganadornan pero na final tur mucha a keda hopi contento cu nan premio pa cortesia di FBNDD. Un premio cu sigur lo stimula mas ainda e placer di lesamento!

TUMA CONTACTO CU NOS:
Please enter your full name
Please enter your email address
Please enter valid email
Please enter your MENSAHE
Submit
Si, mi kier ricibi noticia BNDD.