Tanto Cuenta Centro di Bario Noord

Exitiso weekend di cuenta di hada.

E weekend di 29 y 30 di augustus 200 mucha hunto cu nan mayor a gosa di diferente cuenta di hada na Centro di Bario Noord. Despues di di dos presentacion di Tanto Cuenta den bario, e prome a tuma luga na Scol di Arte na San Nicolas den luna di april.  E contadonan experiencia a trasforma e escenario di Centro di Bario Noord den un berdadero mundo magico, cu su castiyo y figuranan di cuentanan di hada conoci, manera Capa Cora, Hans y Greta, e Sapo Prins, Sneu Blanco y e Pushi cu boots.  E magia riba escenario a toca e contadonan mes tambe, asina nos por a gosa di e storia di e Sapo Prins conta door di Hada Diana y Hada Caluda. E sapo gordo, vies tur lebelebe, cu a saca e bala di e prinses for di dam, ta resulta di ta e prins bon tipo cu ta casa cu e prinses despues. Contado Richard a drenta e figura di e E pushi cu boots hopi sabi pa conta con e ta uza yen di triki pa gara un coneu gordo y diki y otro delicia pa hiba pa e markis di Carabas.  Den e ultimo storia; Hans y Greta, Hada Martica y Bruha Lupita a paralisa e muchanan ora nan a conta con e madrasa di Hans y Greta, e bruha djente mahos hu?a preto vies, tabata menasa di come Hans y Greta cu weso y tur. Danki na Aldric Wernet, Dientje Hassell y Richard Dabian, FBNDD por a a?adi un toke extra na e actividad; un cas casi mescos cu esun di Hans y Greta mes di hopi a?a pasa. Durante tur tres presentacion e contadonan tabata sa di gara e publico den trance y percura pa constante interaccion. FBNDD a haya masha hopi comentario positivo di mayor y hopi peticion pa ripiti e actividad den otro bario. FBNDD gustosamente lo cumpli cu e peticionnan aki asina ta, keda pendiente. Nos no por keda sin gradici e instancia- y personanan cu a aporta na e exito di Tanto Cuenta. Tec Inc, Aldric Wernet, Dientje Hassell, Richard Dabian y sigur nos contadonan boluntario, cu a hinca alma y curpa den e presentacion, un danki di curason.

TUMA CONTACTO CU NOS:
Please enter your full name
Please enter your email address
Please enter valid email
Please enter your MENSAHE
Submit
Si, mi kier ricibi noticia BNDD.